سپنا غزل کو ہر طرح کے کردار ادا کرنے میں مہارت حاصل ہے

کراچی (نمایندہ ٹیلنٹ) معروف وراسٹائل فنکارہ سپنا غزل کا شمار فلم، ٹی وی اور اسٹیج کی مشہور اور مقبول اداکارہ کے طور پر کیا جاتاہے گزشتہ 22 سالوں سے شوبز انڈسٹری سے وابستہ ہیں ان کے فنی کیرئیر پر تین فلمیں ہلہ گلہ، پرواز، دلدل، پی ٹی وی سے تین ڈرامہ سیریل اور لانگ پلے جبکہ مختلف ٹی وی چینلز پر متعدد ڈرامے موجود ہیں تاہم ان کی اصل پہچان اسٹیج ڈراموں سے ہے موجودہ دور میں سب سے زیادہ مقبولیت اور مصروف ترین اداکارہ کے طور پر شمار کی جاتی ہیں کم و بیش ہر ڈرامہ ان کی شمولیت ضروری سمجھی جاتی ہے گزشتہ پانچ سالوں سے نمبر ون کے وکٹری اسٹینڈ پر کھڑی ہوئی ہیں ان کا اسٹار Capricorn ہے 18جنوری کو اپنی سالگرہ مناتی ہیں قد پانچ فٹ تین انچ ہے بالوں اور آنکھوں کا کلر ڈارک براؤن ہے سادہ لائف اسٹائل ہے سبزی، دال اور سادہ پانی کا استعمال زیادہ ہے سادہ قسم کے ملبوسات کو ترجیح دیتی ہیں ۔

خود پر جو لباس جچے اسے ترجیح دیتی ہیں لائٹ جیولری اور میک اپ کا استعمال بہتر سمجھتی ہیں وہائٹ، بلیک اور پنک کلرز کے ڈریس پسند ہیں غلط باتوں پر غصہ جلدی آتا ہے ان کے نزدیک فنکار کے لیے میڈیا سپورٹ ضروری ہے ہمارے کام کو ہائی لائٹ کرنے میں میڈیا اہم رول ادا کرتا ہے 22 سالہ فنی کیرئیر میں لگ بھگ پانچ سو ڈرامے کرچکی ہیں۔ ایک اچھی ایکٹریس کے لیے وقت کی پابندی کرنا اپنے کام پر فوکس رکھنا ضروری ہے۔

 شوبز انڈسٹری میں لابی سسٹم، فیوریٹ ازم، گروپنگ کے خلاف ہیں کیوں کہ وہ بھی اسی سٹم کی وجہ متاثر ہوئی ہیں پاکستان کے تمام چھوٹے بڑے شہروں میں پرفارم کیا البتہ ملک سے باہر جانے کا اتفاق نہیں ہوسکا۔ شوبز میں فیملی کی بھرپور حمایت حاصل رہی ہے اس کے علاوہ تمام سینئرز کی رہنمائی اور حوصلہ افزائی کو وہ اپنے لئے سود مند ثابت قرار دیتی ہیں۔ سپنا غزل کا سارا فوکس اپنے بچوں پر ہے بہترین تعلیم و تربیت پر ہے پسندیدہ فنکاروں میں سکندر صنم، سلمیٰ ظفر، سلومی، زیبا شہناز نعیمہ گرج شامل ہیں سپنا غزل کو کامیڈی المیہ، طربیہ، سنجیدہ کردار ادا کرنے میں یکساں مہارت ہے۔