غزل

بیج دل کی زمیں میں کئی بو دیئے

ہم کبھی ہنس دیئے اور کبھی رو دیئے

جس نے محفل میں دیکھا ہے جلوہ ترا

ہوش اپنے اسی نے وہیں کھو دیئے

حال میرا بتا دے کوئی کیسا ہے

میری حالت پہ کیوں لوگ سب رو دیئے

ایسا طوفاں ملا ڈر گیا نا خدا

تب بڑے حوصلے نا خدا کو دیئے

راج دل کے چمن سے خزاں کا گیا

داغ تیری محبت کے سب دھو دیئے

ایک جیسا لگا ہے غمِ دل انھیں

داستاں میری سن کے سبھی رو دیئے

چل فدا اس جہاں کو جہاں سب گئے

زندگی کے سبھی بوجھ جب ڈھو دیئے