سیف یامین، سندھ سے ابھرتا ہوا کرکٹر

رپورٹ : حماد عزیز

شاہنواز دھانی کی قومی ٹیم میں انٹری کے بعد سندھ سے تعلق رکھنے والے کرکٹرز کو نیا حوصلہ مل گیا، کئی نوجوان کرکٹر بورڈ کے زیرانتظام ایونٹس میں اپنی صلاحیتوں کے جوہر دکھانے میں مصروف ہیں، ان میں ایک ابھرتا ہوا نام لیفٹ آرم اسپنر سیف یامین کا بھی ہے۔

 انھوں نے 2020 میں کوئٹہ گلیڈی ایٹرز اکیڈمی کی انڈر16 ٹیم کی نمائندگی کا اعزاز پایا، سردست وہ کراچی زون 7 سے سندھ انڈر19ٹیم کا حصہ بنے ہوئے ہیں، نوجوان پلیئر زون کے التاج کرکٹ کلب میں بھی تواتر سے کھیلتے ہیں۔