تیسرا ٹیسٹ میچ: پاکستان بمقابلہ انگلینڈ

کراچی (اسپورٹس رپورٹر) پاکستان اور انگلینڈ کے درمیان کراچی ٹیسٹ میچ کے لیے نیشنل اسٹیڈیم میں دونوں ٹیموں نے نیٹ پریکٹس کا آغاز کر دیا۔ پہلے روز بدھ کی صبح دس بجے دونوں ٹیموں نے آپشنل پریکٹس میں شرکت کی۔ قبل ازیں دونوں ٹیموں کو سخت ترین سیکورٹی میں اسٹیڈیم پہنچایا گیا۔ ان مشقوں میں صرف وہی کھلاڑی شریک ہوئے جنھوں نے ملتان میں کھیلے جانے والے دوسرے ٹیسٹ میں حصہ نہیں لیا تھا۔ پی سی بی کے مطابق ابتدائی روز انگلینڈ کے ساتھ میڈیا بات چیت نہیں ہوئی تاہم دوسرے دن جمعرات کو دونوں ٹیموں کی مکمل پریکٹس ہوگی جبکہ انگلینڈ کی جانب سے بین اسٹوکس پریکٹس کے اختتام پر میڈیا کانفرنس کریں گے۔ واضح رہے کہ کراچی ٹیسٹ ہفتہ سے شروع ہو رہا ہے۔ تین میچز کی سیریز میں انگلینڈ کو 0-2 کی فیصلہ کن سبقت حاصل ہے۔