ترانہ

مری ملّت کی جس سے آن پاکستان پاکستان

ملی جس سے ہمیں پہچان پاکستان پاکستان

خدا کی یہ عنایت ہے بزرگوں کی امانت ہے

مری دھرتی مرا ایمان پاکستان پاکستان

میں تن من وار دوں اپنا نگہبانی کروں اس کی

ہمارا دل ہماری جان پاکستان پاکستان

نشاں عظمت کا اپنا قومی پرچم ہے جہاں بھر میں

ہے اونچی جگ میں جس کی شان پاکستان پاکستان

مرے اقبال کے خوابوں کی جو تعبیر ٹھہرا ہے

وہی قائد کا ہے ارمان پاکستان پاکستان

تھی جن کے دم سے پھیلی روشنی اس دیس میں ہر سو

کہاں سب وہ گئے انسان پاکستان پاکستان

وفا کے پھول اس کی وادی وادی میں سدا مہکیں

مرے اللہ کا ہے احسان پاکستان پاکستان

بڑی قربانیوں کے بعد حاصل کی ہے ازادی

ملا ساگر یہ پاکستان پاکستان پاکستان