روشن ویلفیئر ٹرسٹ کھارادربرانچ کا افتتاح

کراچی (نمایندہ ٹیلنٹ) روشن ویلفیئر ٹرسٹ ضلع جنوبی مہران پیلس کھارادر کی برانچ افتتاح روشن ویلفیئر ٹرسٹ کے چیئرمین محمد سلیم عطاری نے سماجی رہنما نعیم میمن، سادات ویلفیئر کے چیئرمین سید عرفان نورانی، مچھی میانی مارکیٹ کے صدر انیس میمن، نائب صدر روشن ویلفیئر ٹرسٹ محمد کامران اسحاق، سمیر ترابی و دیگر رضاکاروں کے ہمراہ کیا۔ سید عرفان نورانی، نعیم میمن، انیس میمن نے کہاکہ روشن ویلفیئر ٹرسٹ کی فلاحی میدان میں خدمات قابل قدر ہیں، محمد سلیم عطاری اور ان کے رفقا مخلصی، ایمانداری، محنت و لگن کے ساتھ دکھی انسانیت کی خدمت کر رہے قابل تحسین ہیں رہنماؤں نے انہیں ہر قسم کے تعاون کا یقین دلایا۔

 محمد سلیم عطاری نے حوصلہ افزائی کرنے پر معزز مہمانوں کا شکریہ ادا کیا اور کہا کہ ضرورت مند، سفید پوش افراد کو عزت، وقارکے ساتھ سہولیات پہنچانا ہماری اولین ذمہ داری ہے، عوام کے بہت سے مسائل ہیں لیکن ایک کوشش سے ان کو دکھوں کو کچھ کم کیا جا سکتا ہے اس کے لیے سب کا تعاون ضروری ہے اس موقع پر میں اپنی پوری ٹیم کو خراج تحسین پیش کرتا ہوں جو ہر مشکل گھڑی میں انسانیت کی خدمت کے کام اللہ تعالیٰ کی رضا کے لیے سر انجام دیتے ہیں۔ نائب صدر روشن ویلفیئر ٹرسٹ محمد کامران اسحاق اور سماجی رہنما محمد سمیر ترابی نے کہا کہ موجودہ حالات میں کم آمدنی اور سفید پوش افراد کو بے شمار چیلنجز کا سامنا ہے، حالات اتنی تیزی سے تبدیل ہو رہے کہ جو کل لوگوں کی مدد کرتے آج ان کو خود مدد کی ضرورت ہے۔ فلاحی ادارے ایسے افراد کی امید کی کرن ہوتے ہیں۔