اک برس

 

اِک برس کیا ہے فقط بارہ مہینے ہی تو ہیں

آدمی خوش ہو کہ ناخوش ہو گزر جاتے ہیں

ہاں مگر اپنی محبت کے تقدس کی قسم

جن کے محبوب بچھڑ جائیں وہ مر جاتے ہیں

اک برس کیا ہے فقط بارہ مہینے ہی تو ہیں

میں بھی ان بارہ مہینوں میں بہت رویا ہوں

سوختہ لاشوں کی بُو یاد سے جاتی ہی نہیں

سانس لیتا ہوں تو کھول اُٹھتا ہے ہر قطرہ خوں

اِک برس کیا ہے فقط بارہ مہینے ہی تو ہیں

اُس نے بھیجا تھا جو اِک پھول‘ وہ تازہ ہے ابھی

میں جسے دل کی تسلی کے لیے رکھتا ہوں

اپنی میت پہ کبھی‘ ساری رعیت پہ کبھی