فرنچ اوپن، ’ آفٹرشاکس‘ باربورا بھی ابتدا میں ناکام

رپورٹ: حماد عزیز

فرنچ اوپن میں دوسرے روز بھی بڑے کھلاڑیوں کی ناکامی کے’ آفٹرشاکس‘ جاری رہے، 2 سیڈ اوردفاعی چیمپئن باربورا کرائیجکووا اور ناؤمی اوساکا بھی ابتدائی راؤنڈ سے رخصت ہوگئیں۔ تفصیلات کے مطابق فرنچ اوپن کے دوسرے دن 2 سیڈ اور دفاعی چیمپئن باربورا کرائیجکووا بھی پہلی آزمائش میں ناکام ہوگئیں، انھیں فرانس کی ڈینی پیری نےمات دیکر سب کو حیران کر دیا 4 بار کی گرینڈ سلم فاتح ناؤمی اوساکا 20 سالہ امریکی حریف ایمانڈا اینسمووا کا اعتماد سے سامنا نہیں کرپائیں، انھوں نے 7-5 اور 6-4 سے کامیابی سمیٹ کر دوسرے راؤنڈ میں جگہ بنالی، وہ بطور دفاعی چیمپئن پہلے راؤنڈ میں ناکام رہنے والی ایونٹ کی تاریخ میں تیسری پلیئر شمار ہوئیں۔ ورلڈ نمبرون ایگا سوائیٹک نے لیزا ٹی سورنیکو پر غلبہ پالیا، وکٹوریہ آذرنیکا نے اینا بوگڈین کو مات دی، بیانکا اینڈریسکو نے یاسلن بوناوینچور کو زیر کرلیا، الیگزینڈر زیوریف نے سباستین اوفنر کو زیر کیا، کارلوس ایلکاریز نے جون اگناسیو لوندیرو کو ہراکر دوسرے راؤنڈ میں قدم رکھے، رافیل نڈال نےجورڈن تھامپسن کو شکست دیکر کامیابی سے کھاتہ کھول لیا۔