سی سی اے زون 2 نے پی سی بی انٹر ڈسٹرکٹ انڈر۔19 کرکٹ ٹورنامنٹ جیت لیا

پی سی بی انٹر ڈسٹرکٹ انڈر 19 کرکٹ ٹورنامنٹ کی فاتح سی سی اے زون دو کرکٹ ٹیم کا کوچ سعید بن ناصر کے ہمراہ گروپ فوٹو

 کراچی (نمایندہ ٹیلنٹ) پاکستان کرکٹ بورڈ اور سندھ کرکٹ ایسوسی ایشن کے زیراہتمام منعقدہ پی سی بی انٹر ڈسٹرکٹ انڈر۔19 کرکٹ ٹورنامنٹ سی سی اے زون دو نے جیت لیا فائنل میچ میں سی سی اے زون۔6 کو 53 رنز سےشکست کا سامنا کے سی سی اے اسٹیڈیم پر کھیلے جانیوالے والے فائنل میں سی سی اے زون۔6 نے ٹاس جیت کر سی سی اے زون۔2 کو پہلے بیٹنگ کرنے کی دعوت دی سی سی اے زون۔2 نے پہلے بیٹنگ کرتے ہوئےمقررہ 50 اوورز میں پانچ وکٹوں کے نقصان پر 195 رنز اسکور کئے علی حسن نے شاندار بیٹنگ کا مظاہرہ کرتے ہوئے سات چوکّوں اور دو چھکوں کی مدد سے ناقابل شکست 92 رنز اسکور کئے آل راونڈر ضیاء اللہ نے ناقابل شکست 26 رنز جبکہ عبدالرحمٰن نیازی نے 23 رنز اور اویس علی خان نے 21 رنز اسکور کئے معاذ خرم امین نے 49 رنز دے کر تین کھلاڑیوں کو آؤٹ کیا جواب میں ضیاء اللہ کی تباہ کن باؤلنگ کے باعث  سی سی اے زون 6 کی پوری ٹیم 44.5 اوورز میں 142 رنز بناکر آوٹ ہوگئی محمد عباس نے 38 رنز اور معاذ خرم امین نے 24 رنز اسکور کئے سی سی اے زون 2 کے لیفٹ آرم لیگ اسپنر ضیا اللہ نے تباہ کُن باؤلنگ کا مظاہرہ کرتے ہوئے 9.5 اوورز میں صرف 16 رنز دے کر چھ کھلاڑیوں کو آؤٹ کیا جبکہ سید طیب حُسین اور بصیر شاہ نے ایک ایک کھلاڑی کو آؤٹ کیا ضیاء اللہ کو مین آف دی میچ قرار دیا گیا امپائرنگ کے فرائض نذیر بٹ اور عزیز الرحمٰن نے سرانجام دئیے جبکہ سید عبید احمد آفیشل اسکورر تھے۔