جونیئر انڈر 16 قومی ہاکی چیمپئن شپ ملتوی
کراچی (اسپورٹس رپورٹر) پی
ایچ ایف کے زیر اہتمام 9 تا 18 نومبر کراچی میں ہونے والی اولمپیئن منظور حسین جونیئر
انڈر 16 قومی ہاکی چیمپئن شپ ملتوی کر دی گئی، چیمپئن شپ بلوچستان کے چار سینئر آفیشلز
کے روڈ حادثے میں انتقال کے باعث ملتوی کر دی گئی ہے۔ پی ایچ ایف سیکریٹری جنرل سید
حیدر علی کے مطابق چیمپئن شپ کی نئی تاریخ کا اعلان جلد کر دیا جائے گا۔
واضح رہے کہ بلوچستان ہاکی
ایسوسی ایشن کے چار آفیشلز خضدار میں وزیر اعظم ٹیلنٹ ہنٹ پروگرام کے سلسلے میں ہاکی
ٹیم کی سلیکشن کرنے کے بعد واپس کوئٹہ آتے ہوئے ٹریفک حادثہ میں شہید ہوگئے تھے، جن
میں پاکستان ہاکی فیڈریشن کے کوآرڈینیٹر بلوچستان شرافت اسلام بٹ کے بھائی بلوچستان
ہاکی ٹیم کے چیف سلیکٹر اور کوچ مجاہد اسلام بٹ، کوئٹہ ڈسٹرکٹ ہاکی ایسوسی ایشن کے
جنرل سیکرٹری میر علی کرد، بلوچستان ہاکی پلیئر ٹیکنیکل آفیشل سلیکٹر عبدالرحیم درانی
اور بلوچستان ہاکی ایسوسی ایشن کے ممبر و ٹیکنیکل آفیسر امتیاز شاہ شامل تھے۔
کوئی تبصرے نہیں