تیسرے چیمپئنز لیگ ٹیبل ٹینس ٹورنامنٹ کا آغاز ہوگیا

کراچی (نمایندہ ٹیلنٹ) تیسرے چیمپئنز لیگ ٹیبل ٹینس ٹورنامنٹ کا آغاز ہوگیا۔29 نومبر تک جاری رہنے والی لیگ کی افتتاحی تقریب میں گورنر سندھ کامران ٹیسوری کے صاحبزادے زید ٹیسوری مہمان خصوصی جبکہ فراز الرحمان مہمان اعزازی تھے۔ تقریب میں سابق قومی چیمپئن عارف خان اور فواد الرحمان سمیت دیگر بھی موجود تھے۔

اس موقع پر مہمان خصوصی اور انٹرنیشنل پلیئر حور فواد کے درمیان نمائشی میچ بھی کھیلا گیا۔ قومی مینز اور ویمن ٹیموں کے لیے ٹرائلز کی حیثیت رکھنے والی لیگ کے ابتدائی روز پاکستان آرمی کے کھلاڑی چھائے رہے۔ویمنز سنگلز لیگ میں پاکستان آرمی کی حائقہ حسن نے ایمن حسن (سندھ) کو 0-3 ،بسمہ راحیل نے ماریہ تمیم (سندھ) کو 1-3،صنم فواد نے آرمی ہی کی حور فواد کو 2-3 ،پرنیا خان (واپڈا) نے کلثوم خان کو1-3،حائقہ حسن نے سمن فواد (پاک آرمی) کو 0-3، حور فواد نے کلثوم خان کو 0-3،پرنیا خان (واپڈا) نے ایمن حسن (سندھ) کو0-3 سے ہرایا جبکہ مینز سنگل لیگ میں فیضان ظہور (پاک آرمی) نے حمزہ ملک (واپڈا)کو 0-3،عاصم قریشی نے عبدالرحیم (واپڈا) کو0-3،فہد خواجہ (واپڈا) نے حسیب خواجہ (پاک آرمی ) کو0-3،فیضان ظہور (آرمی ) نے عبدالرحیم (واپڈا) کوشکست دی۔

 ٹیم مقابلوں میں فلک ناز ہاکس نے این ٹی آر ٹائیگرز کو 0-3 سے ہرا دیا جبکہ کیلیفورنیا دبنگ نے گوادر چیمپئینز، لاہور لائنز نے ٹیم واریئرز اور شمسی چیلنجرز نے کراچی فائٹرز کو 1-3 کے یکساں اسکور سے زیر کیا۔