ایکسپریس کے کالم نگار،انیس باقر کی مجلس سوئم وقرآن خوانی آج ہوگی

کراچی(پ ر)روزنامہ ایکسپریس کے کالم نگار انیس باقر اگلے روز اپنے خالق حقیقی سے جاملے۔ آپ ذوق نظر کے عنوان سے ہفتہ وار کالم لکھتے تھے،اردو زبان وادب پر عبور حاصل تھا، آرٹس کونسل کے فعال رکن، علمی وادبی سرگرمیوں کی عملی اور تنظیمی سطح پر سرپرستی کرتے تھے، ملکی اور عالمی موضوعات پر وسیع مطالعہ رکھتے تھے،ان کے کالم عوامی سطح پر خوب پسند کیے جاتے تھے۔

آپ کی شناخت کا ایک معتبر حوالہ  آپ کے والد ابن سید مجتبیٰ حسین تھے جو کہ اردو ادب کے بلندپایہ ادیب ونقاد تھے۔ مرحوم کی نماز جنازہ مسجد وامام بارگاہ یثرب فیز 4 ڈیفنس ہاؤسنگ اتھارٹی میں ادا کی گئی، نماز جناز ہ میں عزیز واقارب اور شہر کی اہم علمی وادبی شخصیات نے شرکت کی، تدفین فیز 8 کے قبرستان میں ہوئی۔آج بروز پیر انیس باقر کی مجلس سوئم وقرآن خوانی، شام چاربجے مسجد وامام بارگاہ یثرب، ڈیفنس ہاؤسنگ اتھارٹی فیز 4میں ادا کی جائے گی۔