النساءہیلتھ کیئر سینٹر کی افتتاحی تقریب سے مقررین کا خطاب

کراچی ( نمایندہ ٹیلنٹ) تنظیم فلاح خواتین کے زیر اہتمام النساءہیلتھ کیئر سینٹر کی او پی ڈی کلینک کا افتتاح، نگران وفاقی وزیر برائے مذہبی امور انیق احمد نے کیا۔ اس موقعے پر اپنے خیالات کا اظہار کرتے ہوئے مہمان خصوصی وفاقی وزیر انیق احمد خان نے کہا کہ محترمہ قمر النساءقمر ہم سب کے لیے رول ماڈل کی حیثیت رکھتی ہیں۔ ان کی فلاحی تنظیم پچاس سال سے عوام کی خدمت میں مصروف ہے۔ انہوں نے کہا کہ یہ تنظیم جس طرح خواتین کی سماجی اور مذہبی خدمت کررہی ہے، وہ بے مثال ہے۔

تقریب کی صدارت معروف سائنسدان و ادبی شخصیت ظفر احمد خان ظفر نے کی۔ نظامت کے فرائض اویس ادیب انصاری نے انجام دیے۔ افتتاحی تقریب میں دوسروں کے علاوہ رضوان صدیقی، نفیس احمد خان، اعجاز علی نوید، حنا رحمان، ڈاکٹر عائشہ رضوی اور خود محترمہ قمر النساءقمر نے خطاب کیا۔ تقریب میں ادبی و سماجی شخصیات کی ایک بڑی تعداد شریک ہوئی۔