انجمن کرم مرشدی عطار کے زیر اہتمام پندرہویں عظیم الشان محفل ذکر و نعت

کراچی (نمایندہ ٹیلنٹ) لانڈھی بابر مارکیٹ کے اطراف ایریا ٹو۔سی اقبال اسکول کے پاس صدیق اکبر چوک پر ہر سال کی طرح اس سال بھی انجمن کرم مرشدی عطار لانڈھی کی جانب سے 15 واں عظیم الشان محفل ذکر و نعت بہ سلسلہ عرس مبارک خلیفہ اول یارِ غار یارِ مزار حضرت سیدنا صدیق اکبر رضی اللہ تعالیٰ عنہ کے حوالے سے محفل کا اہتمام کیا گیا۔ محفل کا آغاز تلاوت کلام پاک سے ہوا۔ تلاوت امام خطیب جامع مسجد باب رحمت لانڈھی بابر مارکیٹ جناب قاری شریف سہروردی صاحب نے فرمائی۔

اس محفل میں علاقائی نعت خواں حضرات اور مدنی چینل کے نعت خواں حضرات جناب اویس گل عطاری، جناب محمد نور عالم عطاری نے نعت پیش کرکے عاشقان رسول کے لہو کو گرمایا اس محفل میں خصوصی خطاب حیدر آباد کے مشہور عالم دین حضرت علامہ مولانا جناب محمد حسین عارف قادری دامت برکاتہم العالیہ نے فرمایا۔ محفل میں خصوصی دعا پاکستان کی ترقی و خوشحالی اور فلسین کے مسلمان کے لیے کی گئی۔ اس محفل میں لانڈھی کورنگی کی عوام نے بڑی تعداد میں شرکت کی۔ محفل کے بعد لنگر کا بھی کثیر تعداد اہتمام کیا گیا تھا۔

محفل کے اختتام پر انجمن کرم مرشدی عطار لانڈھی کے صدر جناب ارسلان انصاری قادری عطاری، یاسر انصاری قادری عطاری نے محفل میں آنے والے مہمانوں اور عوام کا شکریہ ادا کیا  اور اس عزم کا اظہار کیا کہ ہر سال اسی طرح یہ محفل سجاتے رہیں گے۔