غزل

آہیں کسی کے نام پہ بھرتی نہیں ہوں میں

آہیں کسی کے نام پہ بھرتی نہیں ہوں میں

تا عمر کے فراق سے ڈرتی نہیں ہوں میں

جس موڑ پر وہ چھوڑ کے مجھ سے ہوا الگ

بھولے سے بھی وہاں سے گزرتی نہیں ہوں میں

دھوکہ ہے اک فریب ہے حسن و شباب بھی

بس اس لیے تو سجتی سنورتی نہیں ہوں میں

کہتے ہو میری شاعری کچھ کام کی نہیں

بے کار کام کوئی بھی کرتی نہیں ہوں میں؟

مجھ کو ملے جو درد مقدر میں تھے لکھے

الزام تو کسی پہ بھی دھرتی نہیں ہوں میں

آئے گا کون ملنے مجھ سے وہاں صدف

رہتی ہوں زیر آب ابھرتی نہیں ہوں میں