غزل

 

ایم جے گوہر دل میں درد بسا رکھا ہے

کیسا روگ لگا رکھا ہے

حالِ دل کہہ دو نا کسی سے

کیوں یہ بوجھ اُٹھا رکھا ہے

یادوں کی چِلمن کے پیچھے!

کس کا پیار چھپا رکھا ہے

بھول جا ساری گزری باتیں

ماضی میں اب کیا رکھا ہے

آنکھیں ویراں زُلف پریشاں

کیسا حال بنا رکھا ہے

من اندر گھنگھور اندھیرا

باہر دِیپ جلا رکھا ہے

درد سے رشتہ جوڑنے والے!

کیوں یہ حال بنا رکھا ہے!

لگتا ہے ایسے کہ جیسے

تم نے سوانگ رچا رکھا ہے