غزل

غزل
(ایم جے گوہر۔۔۔ کراچی)

میری امید کا جہاں تم ہو

میری دنیا ہو آسماں تم ہو

میری یادوں سے مٹ نہیں سکتا

میری چاہت کا وہ نشاں تم ہو

بزمِ اُلفت کی رونقیں تم سے

میں اکیلا ہوں کاررواں تم ہو

میں زمانے سے کیا گِلہ کرتا

غم کی دنیا کا سائباں تم ہو

بن تمہارے میں جی نہیں سکتا

میری سانسوں کے پاسباں تم ہو

تم کو چاہا ہے بڑی چاہت سے

میری چاہت کے ترجماں تم ہو

زندگی سے گِلہ نہیں گوہر

میری خوشیوں کا گلستاں تم ہو